ذكرت الله سبحانه رحيم ويرحم اللي مـــــــات
خلق آدم ومن طين نفخ والــــــروح محييها
هجرت الناس ولحالي آآآخااااوي ليلي بحسرات
أراجع ذكريات الأمس مضى لي وقـــــــــت آخاويها
مضى لي وقت في رحله حزينه رجـــــاء(ن)
رجاء لاتذكريني أصيــح بوقت طــــاريها
أبكسر لك من ضلوعي قلم وأرسم لك اللوعات
وعلى جرحي ابكتب لك عن الدنيا وامانيها
رجيت الشمس في لحظة غرووووووب وطالت الساعات
وانا كني دقايقها واســـــــافر فــــــــي ثوانيــــها
مشاعر في بحر هايــج يتيمه من طرف أموات
وبحور العشق مهجوره من يحــــدد شـــواطيــــها
مشيت وخطوتي ترسم شعور وصورة الهقوات
مدينة صمت والشارع محــــــــــطة دم وابنــــــيها
مع الايام والصوره رسمــــت بريشــــة المــــأسآت
من ألوان العذاب أرسم إســــــم دنيا ومآسيها
سألت دروبها عني سؤال وفي الاجابه مات
سؤالي لو سأل ميت جـــوابه مـــات مــــــاشيها
أنا وحظي بنينا قصور رمال وصرحها ما فات
رياح وشالت أبوابه وخـــانت حـــلم بانيـــــــــها
أنا إعرابي فعل ماضي لإسم غربه ألم وآهات
وأنا الحاضرواببني له مواجع كنت مخفيها
أنا قلبي فرش جسمي مشاعر واحتضن نبضات
حنان وملتحف بحروف مشاعر كيف اغطيها
شربت من السكوت إحراج أجامل بأكثر الاوقات
ولقيت الناس طماعه وجزاة الطيب خافيها
سكوتي هو تسبب لي تحملت أنا الغلطات
أراجع واعتبر نفسي أنا الغلطان تاليهاااا
أنا عمري مطار أيام مواجع نظمت رحلات
ألم حاجز حزن راجع تذاكر همّ شاريها
أنا مسافر مع أيامي وارافق رحلة الساعات
وأبي صالة مطار اليأس أبجلس في كراسيها
أنا تجرحني الكلمه أفكر بأبسط الكلمات
وأسولف واشرح لنفسي واعاني قصتي فيها
دقيقه من عمر ساعه الى يوم عمر واوقات
من ايامي كشفت اني وقفت وقمت أقهويها
خــــــــلاص ابسكن في مدينـــة صمـــــــت
واكمل هالعمر بسكااااااااااااااااااااااااااااات
نهاية قصتي وادري مصير المـــــــــــوت يمحــــيها
موضوع: ذكرت الله سبحانه رحيم ويرحم اللي مـــــــات 
الإثنين أكتوبر 25, 2010 4:17 am
