لله من قلبن همومه مشآريف *** ونفسن مع الايام زايد كلفها
آسباب من هو نتف القلب تنتيف *** قرون معاليق الضماير نتفها
جتني مع الايام مع عطلة الصيف *** ياليت مثلي يا عرب ما عرفها
بالصدفه الي ما سبقها صواديف *** ياليت حضي يا فهد ما صدفها
بالوصف لو وصفت ماله تواصيف *** يتعبني التوصيف يلعن جدفها
هذي ثمان سنين ماطاب لي كيف *** وآيامنا عيت تحقق هدفها
مشتالها بين الظلوع المراديف *** يومن حضي في طريقي حذفها
وآشكي عليك الحال يابن مقيطيف *** لك وقفتن يا قل من هو وقفها
شاعر تصرف كايد القاف تصريف *** وبحور شعرك ما نقص من غرفها
وآقبل تحياتي وبـ اغلى المصاريف *** من شاعرن در الجواهر صرفها
موضوع: لله من قلبن همومه مشآريف *** ونفسن مع الايام زايد كلفها 
الثلاثاء أكتوبر 26, 2010 4:46 pm
