على كف القدر

على كف القدر صرنا حبايب والهوى اقدار ..
صغار اثنين والدنيا معانا هاجس الأبحار ..
مشينا والشعور احلام جميلة في ضنا الأسفار ..
انا وانتي وحارتنا كتاب العشق في الأسرار ..
كتبت اسمك .. رسمت قلبك .. ربطت اسمي على اسمك ..
على جدار الضنا.. احفر حروف اسمك لها اشعار
ملك قلبي زمام الروح وصرتي دنيتي فيها ...
رسمتك نجمة في غيمة وغيمة في سما مرفوع
وقصرك كوكب مجهول من الماضي مع المعقول
له حراس من الأحساس بلا منطق ولا اصوات ..
اذا روحي هي الدنيا وفيها قصرك المفتون
وضلوعي كل حراسك ودمي كل احلامك ..
احبك والدهور تشهد اناشيدي ملاها الشوق
ووهج الخاطر المحروم ..
كتبت عشقي احبك همس .. احبك حلم .. احبك موت
رسمتك في الضنا محبوب متيم بالغلا اهواك ..
وكلي لا تروح بعيد عيوني والعمر يفداك ..
اغار عليك من اهلك ومن ناسك واحساسك ..
اريدك بس لي مكتوب عشيقي وفرحتي لقياك ..
اريدك دنيتي فيها اضمك والضنا محياك ..
احبك كلمة ما تطفي مشاعر هاجسي العشطان
لهيبي شوق والنيران على صدرك يذوب الشوق
حبيبي يا جمال الكون ..
اصونك مستحيل انساك ..
اخونك مستحيل قلبي يصير الفارس القاسي ..
اريدك ملحمة ذاتي وافكاري واحساسي
معاك الدرب في مليون وكل سكة لها اسرار
وسافر في بحور العشق وجرب ما ترى واختار
انا ابصمت دمي فيك ومثلي مستحيل يهواك