كــــنت راقـــد وفي ســابع نــومــي.. فجــأة وانا مغمـض انتبهـت على صـوت وايد حـلو يتخــلل داخل اذنــي..ماتتصــورون اشــقد احـب اسمــعه..لكــن مارمـت اقــاوم رغـبتي في الرقــاد ,,صــديت الصـوب الثــاني منهـا بكمـل ارقــاد ومنهــا اونــي عـاد بتغــلى..لكــن ماشــي مفــر ,,سمـعت نفس الصـوت مرة ثـانية عالصـوب الثـاني..ههه لكـن مب عـليه انا ..في شـي يسمونــه طـــاف..وهـذا الي انا سـويته..بــــــس فجـــأة اتحـــول هالصــوت النـــــاعم الرقيق الـــى صــوت اكـــــــرهه ..(ازززززز)..صــوت البعـــوضة الله يــــنطبها ان شــاء الله...تميـــت احــــج ايـــدي لاانها قرصـتني الله يــاخذهـــا مــاكفاها الصــوت الي اتطـــــلعه..تميـــت احــرك ايـدي جـدام ويــهي عشـــان اتخــــوز بس مــاشي فــايدة..آخــر شــي اظـطريت افتح عيــوني..فتحــت عين وحــده والثـانية ماقـدرت افتحها لااني ليــن الحيـن حـاس اني مــب شـبعان رقـــاد..اول مـافتحت عيني والا اشــــوف الحــــبيبة نــاقعة من الضــحك عـــلي..اطــالعتها وانا مبــتسم وفتحـت العين الثـانيـة بصعـوبة..
فيــصل: يــا ســـلاام ,,يـــومي بيكــون وااايد حـلو دام اني صــبحت على هالضحكه الحـلوة..صـــباح الخـــير..
عــبير: صـــباح النـــــــور..لاا تـرمسـني انا زعلانة منك ..اففف مابغيــت اتنش!!..
عــدلت يــلستي وانا اطـالعها ومبتسـم في ويــهها: أنـا آســف حــبي..ههه والله اني ليـن الحيـن مـب شبعان رقـاد في خـاطريه ارقـد..
عبيــر: نعـــم نعـــم نعـــم,,..انـــزين ارقــد اشوف ان ما خليت البعوضة اتيــــك مرة ثانيه ( اززززززز)..ههههههههههه
فيصـل: اخييييي كــله ولا هالبعـوضة..بس لحظــه !!..عيدي عيــــدي الصــــوت..
عبير: هههههههههه ازززززززز..(شــفتها اتقربت مني وقرصتني على ايدي)..ههههههههه
فيصــل: ايـــــــــــا الشيــــطاااانة يعني مب البعوضة الي قومتــني من الرقـــاد..هاي انتي..
عبير: ههههههه شو اســـويبك تراك مب طـايع اتنش..يالله قوووم مافينا يفنشـونك من الدوام..ورااك درب بعــد..
فيصــل: حــــــــبي ماابغي اسييير..اســبوووع بفارقج اســبووع..وااايد ..
عبيـر: شو بتسـوي بعـد ترى دوامك جـيه..ما عـليه حياتي بيمر هالاسـبوع بسـرعة ولا بتحـس فيه..وبعـدين تراه مب اسبوع كـامل..بتيني بالاربـع لين اليــمعة ان شاء الله..
فيصـل: مــايسدوني هالكمن يـوم..احــم, بس شكــلج نـاسيـة انه يـوم الاربعا عنا منــاسبة حـــلوة..
عـبير: امممم,,شوو؟؟!!
فيصـل: افااا,,معقــــولة ما تتذكــرين!!!!
عبير: اممم,,لا يـوم ميلادي ولا يـوم ميـلادك..!!
فيصـل: يــــــوم زواجـــــنا يـــا حبــــي..
شــفت تعــابير الفـــرح على ويههـــا : هييييييييه صـــــــح..يا ربيي..انا ماادري شــقايل نــاسيه هاليـــــوم..يــا سلاااام بنكمـــل ســـنة واحـنا ويـا بعــض..
فيصـل: ولا حســينا بالايــــام الي طــافن..الايـام الحــلوة تمــر بسـرعة صـح حـبي..
عــبير: هــيه والله جــنه امــس ليـلة عرسـنا..
تميـت اطـالعها وانا مــبتسـم..وتميــــت أتأمــل في مــلامح ويـهها..كـل يـوم احمـد ربــي علـى هالهــدية الي اهـداني ايـاها ربــي..كــــامـــلة والكمــال للله فـــديتها....أحــبها ..أحــبها واايد هالانســانة..
عـــبير: هههه انت شـــكلك ماتبــا هاليـوم يمـر على خيــر..شكـلك تبا مديركم اليـوم يرفعلك كـرت احمــر..
فيصـل: يــاليييت..عشــان اتم ويـاج على طوول..
عبير: ههههه لاا فـديتك ترى انا ماانفعــــك..من ويــن بنعيش عقــب..
فيصـل: ههه هي والله صــدقتي ماتنفعيني انتي ..خـل اسير اتزهب بس احسـن لي..
عبير: انزييييييين ما عليييه..ماانفعــــك عيل هااا..خلااص خلااص انا زعلت..
فيصـل: هههههه انتي روحج قلتي ..انا مــايخصـني..
عبير: هههه انزين انا قلت عسب ترد عليه واتقول لا فديت روحج انتي كـل شي في دنيتي هاي..
فيصـل: هههه يــاحبج حق الكـلام الحـلوو..وانا حــارمتني منه..
عبير: هههه حرام عــليك مب حارمتنك ولا شـي..فـديتك والله..
فيصـل: اااه يــا قلبي..وبعد تقــولي سير الدوام..ليـش الي يشوف هالــويه والي يسـمع هالكــلام يقــدر يفـارقه؟!
عبير: هههه هي يقـدر يقـدر..يالله حيـــــاتي عن تتأخـــــر..
فيصـل: زين زين..بس اقـولج تراني حـاجز لنــا غرفة في أضـــخم فنــدق يوم الاربعا..
عبير: يا سلااااااام..مـــتى بيي هاليـــــوم ..!!
فيصـل: انا روحي متحمـــــــس ..اففف لولا هالدوام كـنت بتم عــندج والايـام اتطوف بسرعه ..
عبير: يـــالييت والله انا اتمـــنى هالشــي..بس ماعليه كلهم 4 ايــام..
فيصـل: جــنهم 4 سنييين..يــالله شو بنسوي بعــد..مابيدنا شـي..
عبير: هـي فديتك ما عليه اتحمــل..يالله روح تزهب الحين وانا بسير ازهب لك شي خفيف تاكله قبل لا اتسير..
فيصـل: ربـــي لا يحرمني منج..
ردت عـلي مبتسمـــة: ولا مـــــنك..وعقبهــا راحــت عني..
.
.
أيـــام ثجيــــلة وااايد ..أيــام الدوام ..افف شــغــل وكــــراف..مــتى بس تمــــر هالايــــام وارد عـــند زوجــتي وحـــبيبتي..احـــس مايمرون بسرعه.. الشــي الي مخــفف عني ومخــليني متحمـــس هالاسبوع انه فيـه مناسبــة وايد حـلوة يـوم الاربـــعا..صـح اني اتعــب من الشغـل بس كـنت اشـتغل بحمــاس عشـان اييب راس مديرنا ههه..ترى انا نـاوي استأذن يـــوم الثــــلااثا وارد وماادوام يوم الاربعا من كثــر ماانا متحمـــس..لااني مخــطط يوم الثلااثا اسير آخــذ لهـــا بــاقة ورد وطـــقم ذهــب عشـــان تستــــانس ..مـرن هالثلاث ايـام على خيـر واليـوم يـوم الثـــلاثاء..رحـت لمديـرنا وتميت اتعــلث له واطــلع اعـــذار ليـــن ما رضــى يـوقع لي على اجـازة..ما عليكم تراه طيب وايد ههه ..انا اهـــني بس تميــــــت مستااانس من الخــاطر وطلعت على طول.. والله مب قــادر اعــــبر لكم عن فــرحتي يوم قــالي خلااص تقــدر ترد...امممم اتصـــل فيها واخــبرها والا ؟!!..امم..لاا لاا بخــليها مفاجــئة احــلى..فــديتها اكيـــد بتستااااانس شــرات ماانا مستانس الحيــن..المهم بعـد ماطلعـــت من الدوام ســرت محــل من محــلات الورود وقـلت للريــال يســولي بــاقة من ورود حمـــرا طــبيــعيــة..يــاسلاااام طــلعت شكــلها حــلوة واايد..خــذتها ويـــاي وعقــب ســرت محـل الذهـب ..عاد انا اهـــني توهقــت ماعــرفت شــو اخـــتار..انا وين وهالسوالف ويــن..بــس مشيت حالي و اخـترت طــقم واتخيــلتها وهي لابستنـــه شــفت انه بيطــلع وااايد حلو ومنـاسب عــليها..خـــذته وركـــبت سيــارتي وانا كـــلي لهــفة وشـــــوق لشــوفتها ..اوهوووو الدرب زحمـــــة..لا حووووول انا متــــى بــوصل الحيـــن...!!!..شو اسـوي مجــــبوووور اوقف..من كـــثر ماانا متغـــصص تميت ادق هــرنات عشــان يتحــركون اففف يرفعــون الضغط..الاشــارة خضــرة ومايتحركون بســرعه!!..المهم عــديت هالشـارع على خيـر والحمـدالله افتكيــت من الزحــمة..واحــلى شي الحيـن انه دربي سيــــدة وماشي زحمــة..عاد استغـــليت انا هالشـــي وتميـــــت اســـــرع..شو اســـوي مســـتعيل ابــغي اوصـــل باسرع وقـــت..ههه ابغـــي بس اشوف ردة فــعلها يــوم بتشــوفني يـــاي وويــــاي هالهـــدايا..اممم,,ظــنكم يعــني هي شــو مخــبية لي من مفاجــأت بـاجر؟!!..ههه اكيــد هي بعــد ماخـــذتلي هــديـــة..بس شو شـــو بتكــون..امم اتصــل فيها..لاا لاا فيــصل لا تضعــف واتخرب المفاجأة ههه..اتـــريث ..تميــت على هالحــالة متحــرقص ليـــن ما وصــلت جــريب البيــت..انا اهـــني بـــــس حســــــيت بـــراحه وفــــرحة كبيرة في داخـــــلي...زدت الســـــرعة ســاير صــوب الدوار الي جريب من بيـــــتنا عشان الف حوله واسير عالشارع الثــــاني..ســــرت وانا اســــــرع بسرعة جنووووونـــــــيه ..ماحســــيت بعمري والا اشـــوف ســيارة مســرعة يـــاية من يـــــــساري ..انـــــا ااهـــــني اتروعـــــــت وانا اســــمع صوت هــــرن السيــــارة ومن الزيغــــة دســـــت بريــــــك وانا المفـــروض اني اســـــــــرع عشان اعطي مجـال للسيــارة انها اتسيـــــر..لكـــن مــاقدرت ارتبــكت..والســــيارة يايـــه صــــوبي مســـــرعة انا قــلت الحين خلااص بــرووح فيها لكـــــن الحمدالله الله سـتر و السيــارة قـدرت اتسيطـر على عمـرها ووقفت..ااه الحمدالله الحمدالله..المهم استسمحت من الريال لاانه الغـلطه مني انا..وطـول الدرب وانا احمد ربي انه مــاصار شـي..ليـــن ماوصلت البيــت ..وقفـــت سيــارتي في القــاراج ونـــزلت وانا في خــاطري اركــــض عشــان اوصل الحجــرة بســـرعة..تميــت امشــي عالســــريع ..دخــلت داخل وصــعدت فوق على طــول ســاير صـــوب حجـــــرتي..خـــذت نفس عميــق وانا مبتســـــم ..فتحـــت البــــاب والا اشـوف الحجـرة فاضيـة مافيها حــد..حطيــت الهـدايا عالطـاولـة وطـلعت من الحجــرة والا اشــوف الوالدة جـــدامي..سلمت عليها وحـبيتها على راسـها..وبعــد الســؤال عن الاخـبار والعلوم..ســئلتني عن ييــتي اليــوم لاان المفروض باجر ايي..خــبرتها كـل شـي وعقبها ســـئلتها عن عبيــــــر..قالتلي انها سـارت بيـت ابــوها..دشــيــت الحجرة وطـلعت تلفوني من مخـباتي بتصـل فيها..اول ماابغي ادق على رقمــها شفت التلفون يـــرن..رديــت عــليه..
فيصـل: الوو
....: سلاام عليكم..
فيصـل: وعليكم السلام والرحمــة..
.....: الاخ فيصـــل عبدالله ابراهيم الــــ......
فيصـل: هـي نعـــم اخــوي..
.....: اخ فيــصل ويـــاك الشـــرطة..نبــاك اتيــنا المركز ضرووري..
فيصــل: ليش اخوي..شو السالفة؟!!..شو مستوي؟
....: تعــال المــركز وبتعرف كـل شي..
فيـصل: خلااص انا الحين يـــــاي..
.
.
طــلعت مرة ثــانية ركــبت مـــوتري وانا منصــــــدم..الشــرطة يبــــوني ؟!!..ليـــــــش؟!!..ليكـــــون هاكي الي بغــى يــدعمني ســار واشتــكى عـــلي..معقـــوله يــسويها يــعني؟!!..هي اكيييد هووو ســواها الهــــرم..ماكفــاه اعتــــذاري..اففف وانا بعـــد غـــبي..انزين انت جـــــريب البيـــت اشــحقه تســــرع!!..المهم وصــلت مــركز الشــرطة ونــزلت بســرعة وانا متوتر ابغــــي اعـــرف شو الســالفة..ســــئلتهم عن المكــان ودلوني ايـــاه..دشـــيت مكــــتب الضــــابط وانـــــا عيـــوني مصوبه صوبـــه والف سـؤال يدور في بـالي..
فيصـل: سلاام عليكم..
الضابط: وعليكم الســلام..فيصل؟؟
فيصــل: هي نعــم حضـرة الضـابط..خير شــو مستوي؟؟!!
اشـــر لـــــي على وحـــده كــــانت يــالسه اهــــناك..شـــفت المكـــــان الي أشـــــرلي عــــــــليه..
الضـابط: اتعــرفها..؟؟
انا منصــــــــــــعق...تميــــــت مبـــــهت اطـــــالعها وانا يالس اتــجرب بخطواتي صــوبها..اشـــــوفها اتصيــــح وقــفت وتمــت تبــتعد عـــــني..
فيصـل: عــبيـــــــــر!!!!!!!..انتي شو تســـــوين اهـــــــني..!!
تمــــــت اتصيــــح وكــلامها متقـــطع ماقــدرت افهـــم منهــــا شـــــــي..صـــديت صوب الضــــابط..
فيصــل: حضــرة الضــباط..مـــــرتي شو اتســـوي اهـــــــني عندكـــم؟!!!
الضــابط وهــو يهـز راسـه.: لاا حول ولا قـوة الا بـالله..اخــوي مــرتك لقيـــناها في الســـيارة ويـــــا واحــــد وو.......(نـــزل راســه)..
فيصـــل: شووووووووه!!..لاا اخـــوي هــاي الي يالسه اهـــني مرتي وانا اسئــلك هي شو تســـوي اهــــــني؟!!!..هاي الي ترمس عنها انا مااعرفها..
الضـابط: اخـوي هاي الي يـالسه اهـــني لقيـــناها في الســـيارة ويا واحـــــد..
فيــــصل في هاللحـــــــظه اتمــــنى تنشق الارض وتبــــلعه ولا انـــــه يسمــع هالكـــلام..تـــم كــلام الضــــابط يتـــردد في ذهـــــنه مــب قادر يــستوعبــه..صــد صــوب عـــبير وهو مبــهت وشــافها واقفه تتنــــافض وتصيــــح وهي تبتعـــــد عـــــنه..اهــــني بس بـــدا شــوي شــوي يستـــوعب كـــلام الضـــابط..اتقــرب منهـــا وهـــو يهـــز راســـه..لاا مستحيــل..مستحــيل..هــو يـــتقرب وهـــي تبــــتعد واتصيـــــــح..مــــاحست الا بطـــــــــراق قـــــــوي على خـــــدها الي من قــــوته طــاحت عالارض..يـــلست على ريـــــولها وتمــت ميــوده ريـــــوله وهي تقــــول( ســــــامحـــــني الله يخــــليك ســــامحـــــني..)..شـــاتها بـــريله وطـاحت عالارض وتم يدوس بريــــله على بطــنها بكـــل قـــوته وهـــو خلااص منهـــــار..نش الضابط بســـرعه ويــــر فيصل صـــوبه ..وهـــو يصــارخ( ليـــــش عــــبير ليـــــــش؟!!حـــــــــــــــــــرام عـــــليج ..والله حـــــــــــــــرام انا شـــو سويــتلج عشان اتســوين فيني جيــه..كــــل هـــــذا لااني احـــبج وامووووت فيـــج؟!..بشـــــو قصــــرت عليج قولييييلي؟!..انا طـــالع من دوامــــــي اليــــوم بس عشـــانج انتي..عشـــان شـــوفتج بـــــــــس..متحمــــس حـــدي حق بـــاجرمن اول الاسبوع وانا اتـريا هاليوم..الي هو.يوم زواجـــــــــنا..(بــدا يـــذرف دموعه)..اتعــرفين شــــو خــــذتلج..؟!!!...خـــذتلج بــاقة ورد حمــــرة كـــبييييرة وطـــقم ذهـــب لاايق عليج.. اعطــــيهم لمـــــمنو؟!!..هااا؟!!..قوليلي انتي بــــس..اعـــطيهم لمنــــوا..مـــب المفروض اعطيـــهم حقـــج بـــاجر عشــان يــوم زواجـــــنا!!!..(بــدت تعــلى صـــرخاته وبنفس الوقـت يصيــح مب حاس بعمـره) لكــــــن انتي مـــــا تســـتاااهلين مـــاتستـــــاهلييييين يــــالخــــاينة مــــــــا تستااااهليييين .. ..تـــم يــحاول يــتقرب صــوبها وهو يمــد ريــوله بيشـوتها يبغـــي يــطلع حـــــرته حـــــاس بغضـــة في داخــــله ومقهــــور من الخـــــــاطر..بس الضــابط كــان ميـــودنه بالقــو..نــــادى الشـــرطيــة عشــان اتـــي تـــاخذ عبيــــر ويهــدى فيــــصل... وهو بعد اتأثر وايد من الموقف بالرغـــم انه وايد قضــايا تمــــر عليهم شـــرات هالقضيـة...)
منقول
رايكم يهمني
موضوع: يوم زواجنا 
السبت يونيو 25, 2011 5:44 pm